Oblystyq densaýlyq saqtaý basqarmasynyń málimdeýinshe, búginge deıin 6 avtokólik - «Ford Tranzıt» jáne 4 «Hıýndaı» markaly avtokólikteri boıaldy.
- Aldaǵy ýaqytta kezek boıynsha qalǵan sanıtarlyq avtokólikter boıalady. Ashyq tústegi arnaıy kólikter kóp kólikter arasynda erekshe belgili, kóp kózine túsedi, sondaı-aq aq tústegi avtokólik basqa jol qozǵalysyndaǵylar arasynda baıqalmaı kalady, - deıdi qalalyq jedel járdem stansasynyń bas dárigeri Gúlnafıs Tańbaeva.
Aıta keteıik, kólikter 28 sáýir kúni, ıaǵnı «Jedel járdem» kúni boıaldy. Odan keıin kólikteri Atyraý kóshelerimen júrip ótti. Qazirgi tańda oblystyq densaýlyq saqtaý enshisinde 92 jedel járdem kóligi bar. Atyraý oblysyndaǵy brıgadalar jumysyn jedeldetý úshin 2017 jyldyń sońynda dıspetcherlik qyzmetti avtomattandyrý programmalyq kesheni boıynsha jańartý jumystary júrgizildi. Bul aımaqtaǵy JJS, aýrýhananyń aqparattyq júıesi jáne AMK qyzmetterindegi biryńǵaı avtomattandyrylǵan qońyraýdy basqarý júıesi. Endigi jospar – Medısınalyq kómek kórsetý boıynsha qońyraýlardy basqarý jáne baqylaý jónindegi úılestirý ortalyǵymen yqpaldastyq ornatý.
- Búgingi kúni Atyraý qalasynyń barlyq brıgadalary planshettermen jabdyqtalǵan, bul qońyraýlardy nemese telefondy qoldanbaı-aq brıgadaǵa jetkizýge múmkindik beredi, - deıdi Gúlnafıs Tańbaeva.
Oblystaǵy jazataıym oqıǵalardy azaıtý maqsatynda jyl basynan beri alǵashqy medısınalyq kómek kórsetý boıynsha 50 erikti, onyń ishinde muǵalimder men JPP qyzmetkerleri oqytyldy. 2017 jyly 37 erikti alǵashqy medısınalyq kómek kórsetý boıynsha oqytýdan ótti.
2018 jyldyń qańtar aıynan bastap 1 jedel járdemde bosaný faktisi tirkeldi, dárigerler bes adamnyń ómirin saqtady. Salystyrmaly túrde, ótken jyly 8 jedel járdemde bosaný faktisi tirkelip, 35 adam qutqaryldy.
